![](https://blogger.googleusercontent.com/img/b/R29vZ2xl/AVvXsEgOB-Lt8L8HP64jHWHOzhk0MRNZSBzrcIkgANXB5dnBLESVNSgZlZf5iRB2pWAy1Jr6Mf4SqelNxmGF6-Iqoe7TgFP1sVv22_UUcU2aeR17vP6dcZyzQ5FzLiwzZmWmc60kIofZ0Q/s200/EH-GZ-Causa.jpg)
«É un duro golpe ao entramado terrorista», afirmou Santiago Villanueva, delegado do goberno español en Galiza, en outubro de 2015 a raíz da operación policial que detiña 9 militantes de Causa Galiza e levaría a suspender a organización. Trece meses despois da prohibición das súas actividades, Causa Galiza recupera a condición de organización política legal. A Audiencia Nacional deixa sen efecto a suspensión cautelar da organización independentista, decretada por este mesmo órgano por un período dun ano e con posibilidade de o prorrogar a outro.
A decisión de devolver a Causa Galiza a condición de organización política legal adóptase após solicitar a representante legal da organización independentista que «se deixe sen efecto a suspensión cautelar». Unha petición da cal o Xulgado de Instrución deu coñecemento ao Ministerio Fiscal, que non se opuxo á mesma. Deste xeito, cesa a ilegalización de facto de Causa Galiza, unha demanda partillada por ducias de axentes políticos e sociais que nestes meses solicitaron a fin desa suspensión. / VER: Sermos Galiza