O Ministério espanhol do Interior pisa o acelerador da repressom contra o movimento popular na Galiza. Presos por receberem um preso político em Compostela. As três pessoas detidas hoje ficárom em liberdade a primeira hora da tarde desta quarta-feira.Ontem fôrom 9 pessoas acusadas de participarem em manifestaçons solidárias com o CSOA Escárnio e Maldizer. Hoje som três independentistas de Compostela, Vila Boa e Ourense, sob acusaçom de «enaltecimento do terrorismo» (sic) por participarem num ato público de recebimento de Antom Santos, independentista galego preso mais de cinco anos e sujeito a umha cruel política penitenciária até a sua libertaçom no passado dia 14 de maio.
Ceivar a mira das forças repressivas
Iria C., Ugío C. e Afonso L. fôrom detidos hoje em Compostela, Vial Boa e Ourense. Integrantes do movimento de solidariedade com os e as independentistas galegas, participárom num ato público junto a centenas de pessoas no dia 14 de maio, para receber Antom Santos, preso galego durante 5 anos em diferentes prisons do Estado espanhol.
...Ou isso se declarou inicialmente, porque novas informaçom situam as detençons na chamada «Operaçom Jaro», dirigida contra Causa Galiza, ameaçando com novas detençons nas próximas horas ou dias. Como é habitual, os meios burgueses ajudam a baralhar todo o relativo ao operativo policial, servindo de complemento ideológico-informativo à atuaçom repressiva.
Resposta solidária Por seu turno, o coletivo Ceivar já convocou para hoje mesmo concentraçons em várias localidades da Galiza. / Ver: Diário Liberdade
Recebimento ao ex-preso independentista Antom SantosCompostela, 13.05.2017 [Galiza Contrainfo]