domingo, 22 de julho de 2018

«O projeto nacional da nossa classe: a Pátria Galega, o Socialismo e o Feminismo!»

[De Galiza em Rede] Diante do Dia da Pátria, que cada ano serve para avaliarmos a conjuntura galega e mundial, o nosso coletivo, Galiza em Rede, quer compartilhar a sua análise com o conjunto do povo trabalhador galego.
[...]
Como comunistas, defendemos os direitos democráticos, mas nom aspiramos a «melhorar» o capitalismo. Ainda que luitemos polos direitos laborais e sociais, sabemos que qualquer conquista será parcial até a conquista do poder pola nossa classe. Cada luita concreta deve integrar um programa global para acabar com a nossa dependência nacional, combatendo o submetimento da mulher e as restantes opressons. Para isso, é imprescindível assumir a aboliçom da exploraçom económica das trabalhadoras e trabalhadores como tarefa central.

Como parte da nova dinámica que a recomposiçom da esquerda soberanista exige, é preciso desterrar toda forma de sectarismo ou vocaçom de «capelinha». Devemos apoiar todas as luitas justas que, como no resto do mundo, se dam cada dia no nosso país. Com firmes princípios de afirmaçom nacional e compromisso internacionalista, contribuímos para construir e fortalecer as ferramentas de construçom nacional e de classe. (galizaemrede.gal)