Desinfektatze lanen aitzakiapean, Getxoko Udalak atzo jarri zuen martxan Itzubaltzeta III gaztetxea ixteko azken prozedura. Ertzaintza gauean sartu zen eraikinean, agindu judizialik gabe, eta itxi egin zuen. Hala, legez kanpoko desalojoa izan dela salatu dute gaztetxeko kideek. Ez da konfinamendu garaiko aurreneko desalojoa izan: aurreko astean, Gasteizko Talka hustu zuten polizia indarrek.Manifestazioa
Itzubaltzeta III gaztetxeko kideek, gaur iluntzeko 21:00etan Getxoko Santa Eugenia kaletik abiatuko den manifestaziora deitu dute, «eraisketari ez, herri bat gaztetxe bat» lemapean.
Desalojoak alarma egoeran
Aurreko astean Gasteizko (Araba) Talka hustu zuten polizia indarrek, eta orduko hartan ere, agindu judizialik gabe eta modu ilegalean egin zuten. Bestalde, apirilaren 21ean salatu zuten Donostiako (Gipuzkoa) Firestone Lantegi Berreskuratua desalojatzen saiatu zirela. (gedar.eus) / Mais info: @itzubaltzetaGA
