[De Cristian Sima Guerra / traduçom do Diário Liberdade] Estes aspetos [da dominaçom colonial], vistos a priori, som críticas legítimas ao colonialismo. No entanto, no pensamento descolonial -e também nos estudos pós-coloniais- apresentam alguns problemas que merecem ser criticados. Pois os descoloniais, ao recusarem o eurocentrismo epistémico, também recusam aquelas propostas que, apesar de terem surgido parcial ou totalmente na Europa, tenhem validade universal.[…]
a univeralizaçom ou mundializaçom do capitalismo consiste na penetraçom total e absoluta da lógica mercantil e da exploraçom a escala planetária, por muitas diferenças sociais, espirituais, culturais e políticas que puderem existir entre os diversos povos do mundo, às quais, de resto, o capitalismo costuma se adaptar com facilidade. De modo que, se a lógica da economia capitalista é já internacional, também som as categorias marxistas que analisam, descrevem e mostram a sua lógica de funcionamento (adaptadas sempre à «análise concreta da situaçom concreta»). (Diário Liberdade)
