Na manhá de hoje [ontem], e sob um amplo dispositivo policial, dezenas de pessoas manifestarom-se em Compostela para denunciar as políticas linguísticas da administraçom espanhola e galega e exigir a absolviçom das 6 pessoas condenadas a um total de onze anos de prisom por terem participado nos atos de repulsa à manifestaçom espanholista de Galicia Bilingüe na capital galega em 2009.Minutos depois do meio-dia, a manifestaçom unitária partiu da Alameda compostelana, encabeçada por umha faixa com a legenda «Paremos as políticas de extermínio da nossa língua». Durante o percurso polo centro da cidade, coreárom-se palavras de ordem em defesa da língua e pola independência do nosso país, sempre sob umha forte vigiláncia policial.
A mobilizaçom concluiu na praça do Toural, com a intervençom de Xiana Rodrigues e Óscar Gómez, do organismo popular antirrepressivo Ceivar, quem denunciou a situaçom de retrocesso em que se encontra a nossa língua, que pola primeira vez na história é falada como primeira língua por menos de 50% da populaçom galega, após anos de perda paulatina de falantes. Aliás, pediu a absolviçom das 6 pessoas condenadas por «causar distúrbios» contra a manifestaçom espanholista convocada por 'Galicia Bilingüe' em 2009, para as quais se pede um total de 11 anos de prisom e importantes sançons económicas. Após as intervençons, como fecho, foi entoado o Hino Nacional. / Mais informação: Diário Liberdade / Ver também: lahaine.org
