Mais um ano, a véspera do Dia da Pátria encheu a capital galega de ativismo, apesar da abafante presença policial. Já no dia 25 milhares acompanhárom a manifestaçom do Bloco Nacionalista Galego (BNG) e cerca de 200 pessoas a convocada pola independentista Causa Galiza.Mais um ano a manifestaçom do BNG levou milhares às ruas da capital galega. Com saída da Alameda polas 12.00, a convocatória conseguiu encher no seu ato final a praça da Quintá, sendo palpável um aumento da assistência a respeito de 2016.
Houvo delegaçons internacionais, com destaque para as enviadas polo PCP e o Bloco de Esquerda do vizinho Portugal, ou a presença da totalidade de membros do Consulado da Venezuela em Vigo.
[...]
Manifestaçom juvenil e anti-repressiva enchem de reivindicaçom a tarde de dia 24
Sob a pressom dos fardados espanhóis, que mesmo mantivérom um helicóptero a sobrevoar a cidade durante o tempo que durárom as mobilizaçons, a cadeia humana primeiro e a manifestaçom juvenil pola independência depois, servírom para visibilizar as reivindicaçons nacionais da Galiza.
O Diário Liberdade acompanhou a jornada, informando in situ e ao vivo sobre os acontecimentos nas ruas ao longo da tarde do 24 de julho. / VER: Diário Liberdade
