A operaçom policial começou no meio-dia de hoje [ontem] quando vários polícias detivèrom ao primeiro estudante e continuou até as quatro da tarde.À hora de redaçom desta nova som já seis as estudantes que estám detidas na Comissaria da Polícia Espanhola de Compostela. Todas as pessoas detidas pertencem a coletivos estudiantis e sabe-se que umha delas é militante de Agir, quatro de Xeira e outra do Coletivo de Estudantes Libertários (CEL).
Segundo informa a imprensa e membros das organizaçons estudantis é muito provável que as detençons estejam relacionadas com a manifestaçom dos marinheiros do cerco que tivo lugar na capital do País o passado 11 de Março. Polo momento as estudantes estám a ser assistidas por um advogado de ofício e calcula-se que manhá ou passado serám postas ante o juíz.
Assim mesmo um estudante foi deslocado até o Ponto de Antençon Continuada (PAC) devido a que durante o seu arresto um polícia forçou-lhe a mao.
Concentraçom solidária
Nesta mesma tarde auto-convocou-se umha concentraçom solidária no Toral desde as 20:30 da tarde. Centos de pessoas reuniu-se para reclamar a liberdade das detidas e o ato concluiu com umha manifestaçom polas ruas da zona velha e que se achegou até a Comissaria donde estám as estudantes.Desde Ceivar queremos novamente mostrar a nossa solidariedade com as retaliadas e denunciar umha vez mais a criminalizaçom que se está a exercer indiscriminadamente sobre os movimentos populares. / Ver: Ceivar via lahaine.org / Ver também: Diário Liberdade
