Este 12 de agosto cúmprense 40 anos do asasinato de Xosé Ramón (Moncho) Reboiras Noia a mans da policía fascista en Ferrol. Desde a Fundación que leva o seu nome e a Confederación Intersindical Galega rendéuselle tributo mediante unha homenaxe floral no cemiterio de Imo, en Dodro, onde descansan os seus restos. Moncho, alén da súa prolífica militancia nos diferentes campos do nacionalismo popular, destacou tamén nos primeiros xermes de organización obreira que deron lugar ao actual sindicalismo nacionalista.Na madrugada do 12 de agosto de 1975, máis de 300 axentes dos corpos represivos da ditadura franquista rodeaban o edificio no que se atopaba Moncho Reboiras, na Rúa da Terra en Ferrol. Ao pé do portal, o militante nacionalista era acribillado a tiros. 40 anos despois, a súa figura segue a ser o exemplo de compromiso coa liberación nacional e social da Galiza. Así o destacou o Secretario Xeral da CIG e Presidente do Padroado da Fundación Moncho Reboiras, Xesús Seixo, na homenaxe floral realizada no cemiterio de Imo. / LER: CIG / Mais notícias aqui
Ver também: «Começárom atos de homenagem a Reboiras, que hoje continuam em Ferrol, Vigo e Dodro» (Diário Liberdade)
«Moncho Reboiras, 40 anos de sementes de vencer», de Ceivar (ceivar.org)
